शुक्रबार सातदोबाटोस्थित एन्फा कम्प्लेक्सको मैदानमा अन्तिम खेलमा नेपाल पुलिस क्लबलाई ३–० ले पराजित गरेको आर्मीले सफलता हासिल गरेको हो । आर्मीलाई जिताउन टेकबहादुर बुढाथोकी, नवयुग श्रेष्ठ र टंक बस्नेतले एक–एक गोल गरे ।
नवयुगअहिलेसम्म १४ गोल गर्दै सर्वाधिक गोलकर्ताको शीर्ष स्थानमा छन् । यो खेलसँगै आर्मीले जारी लिग सकाएको छ ।
अन्तिम भिडन्तमा शनिबार मनाङ–मर्स्ङ्दी र थ्रीस्टार क्लब भिड्दै छन् । दुई टिमको भिडन्तसम्म आर्मी ३३ अंकका साथ शीर्ष स्थानमा छ ।
मनाङ र थ्रीस्टारबीचको खेल बराबरीमा सकिए आर्मीसँग समान अंक भए पनि ‘अवे’ गोलका आधारमा थ्रीस्टार च्याम्पियन बन्नेछ । मनाङ विजयी भए थ्रीस्टार तेस्रो स्थानमा झर्नेछ । अन्तिम भिडन्तअघि थ्रीस्टारको ३२ तथा मनाङको ३१ अंक छ ।
विजेताले एक करोड, उपविजेताले ५० लाख तथा तेस्रो स्थान हासिल गर्ने टिमले २५ लाख रुपैयाँ जित्नेछ ।
Post a Comment
Thanks.