मंगसिर ९। रोमाको पोष्ट आधा दजर्न गोल गर्दै बार्सिलोना च्याम्पियन्स लिग फुटबलको नकआउट चरणमा प्रवेश गरेको छ ।
मंगलबार राति भएको खेलमा लिओनल मेस्सी र लुइस स्वरेजको दुई दुई गोलको मदतमा बार्सिलोनाले रोमालाई ६-१ ले हराएको छ र समूह इको विजेता बन्दै अन्तिम १६ मा पुगेको छ ।
नाउ क्याम्पमा भएको खेलमा बार्सिलोना तीन फवार्ड मेस्सी, स्वरेज र नेयमारसहित मैदान मैदान उत्रिएको थियो । र, घरेलु टोलीले १५ औं मिनेटमा नै स्वरेजको गोलबाट अग्रता लियो ।
चार मिनेटपछि नै मेस्सीले गोल गरे । चोटका कारण झण्डै दुई महिना मैदान बाहिर रहेपछि उनको यो पहिलो गोल समेत थियो ।४४ औं मिनेटमा स्वरेजले उत्कृष्ट भली गोल गर्दै पहिलो हाफमा बार्सिलानालाई ३-० को अग्रता दिलाए ।
Post a Comment
Thanks.