मंसिर २० । लेष्टर सिटी इङ्गलिस प्रिमियर लिग फुटबलको शिर्ष स्थानमा उक्लिएको छ । शनिबार राति भएको खेलमा स्वान्सी सिटीलाई ३-० ले हराउँदै लेष्टर सिटी तालिकाको शिर्ष स्थानमा उक्लिएको हो । खेलमा लेष्टरलाई विजयी गराउन रियाद माहारेजले ह्याट्रिक गरे ।
प्रिमियर लिगको अर्को खेलमा सण्डरल्याण्डलाई ३-१ ले हराउँदैआर्सनल तालिकाको दोस्रो स्थानका उक्लिएको छ ।
उता म्यान्चेस्टर सिटी र चेल्सी भने शनिबार रातिका खेलहरुमा पराजित भएका छन् । म्यान्चेस्टर सिटीलाई स्टोक सिटीले २-० ले हराँउदा चेल्सीलाई बर्नमाउथले १-० ले पराजित गर्यो ।
यसैगरी म्यान्चेस्टर युनाईटेडले वेष्ट ह्याम युनाईटेडसँग गोलरहित बराबरी खेल्दा वेष्ट ब्रोम र टोटनह्याम हट्सपरले १-१ गोलको बराबरीमा चित्त बुझाए । गएराती वाट्फोर्डले नर्वीच सिटीलाई २-० ले हरायो ।
गएरातीका खेलहरुपछि प्रिमियर लिगको अंक तालिकामा १५ खेलबाट ३२ अंक जोडेको लेष्टर सिटी शिर्ष स्थानमा छ ।
समान खेलबाट ३० अंक जोडेको आर्सनल दोस्रो स्थानमा छ भने तेस्रो स्थानको म्यान्चेस्टर सिटीको २९ अंक छ । समान २९ अंक जोडेको म्यान्चेस्टर युनाईटेड चौथो स्थानमा रहँदा पाँचौ स्थानको टोटनह्यामको २६ अंक भएको छ ।
Post a Comment
Thanks.
EmoticonClick to see the code!
To insert emoticon you must added at least one space before the code.