जेठ २४। सशस्त्र प्रहरी बलको एपीएफ क्लबले प्रथम वीर गणेशमान कप राष्ट्रिय खुला महिला/पुरुष ह्याण्डबल प्रतियोगितामा दोहोरो उपाधि जितेको छ ।
राजधानीमा भएको पुरुष फाइनलमा सशस्त्रले हिमालयन क्लबलाई २४–२३ को झिनो गोल अन्तरले पराजित गर्यो । विजयी टिमका लागि बिमल भाटले ८ गोल गरे भने हिमालयनका बासु गुरुङले ९ गोल गरे ।
बासु उत्कृष्ट खेलाडी चुनिए । बासुले प्रतियोगिताभर सर्वाधिक ३७ गोल गरे ।
उपाधिसँगै सशस्त्रले २५ हजार तथा हिमालयनले १५ हजार नगद पुरस्कार जितेको छ ।
सदाबहार खेलकुद समाजले आयोजना गरेको प्रतियोगिताको महिला फाइनलमा सशस्त्रले त्रिभुवन आर्मी क्लबलाई २७–११ ले हरायो । सशस्त्रको जितमा उत्कृष्ट खेलाडी घोषित बन्दना राईले सर्वाधिक ८ गोल गरिन् ।
आर्मीकी रामकुमारी चौधरीले ४ गोल गरिन् ।
आर्मीकी रामकुमारी चौधरीले ४ गोल गरिन् ।
उपाधिसँगै सशस्त्रले १५ हजार तथा आर्मीले १० हजार रुपैयाँ पायो । चारदिने प्रतियोगिताको पुरुषमा ६ तथा महिलामा ३ टिम सहभागी थिए ।
Post a Comment
Thanks.