त्रिवेणी कप सामनाले जित्यो

पुस २० । लमजुङ सदरमुकाम बेसीसहरमा बुधबार सम्पन्न २५औं त्रिवेणी कप राष्ट्रव्यापी खुला फुटबल प्रतियोगिताको उपाधि तनहुँको तुरतुरेस्थित सामना युवा क्लबले हात पारेको छ ।

बेसीसहरको सहजी रंगशालामा भएको फाइनलमा आयोजक त्रिवेणी युवा क्लब रातोलाई २–० ले पराजित गर्दै सामना युवा क्लबले उपाधि चुमेको हो ।

दुबै गोल कप्तान सन्तबहादुर गुरुङले गरे । उनले खेलको १०औं र २७ मिनेटमा गोल गरेका थिए ।

विजयी टोलीले तीन लाख तथा उपविजेजता त्रिवेणीले १ लाख ५० हजार रुपैयाँ जितेका छन् ।

प्रतियोगितामा विभिन्न जिल्लाका १८ टिम सहभागी थिए ।