ARENA

काठमाडौं, फागुन १५ – विश्वकप क्रिकेटको छनोट खेल्न जिम्बाबे पुगेको नेपालले पहिलो अभ्यास खेलमा युएईलाई ५ विकेटले जितेको छ ।

१ सय ७२ रनको लक्ष्यसहित जवाफी ब्याटिङमा उत्रेको नेपालको ओभरमा विकेट गुमाउँदै रन बनाएको हो । नेपालका लागि विष्फोटक ब्याटिङ गरेका दिपेन्द्रसिंह ऐरीले ४१ रन, पारस खडका २८, अनिलकुमार शाह ११, ज्ञानेन्द्र मल्लले १२, दिलिप नाथ ४ रन बनाए । नट अाउट रहेका शरद भेषावकरले ४१ र अारिफ शेखले २३ रन बनाए ।

बलिङ तर्फ नेपालका ललित भण्डारीले सर्वाधिक चार विकेट लिए । त्यस्तै करण केसीले ३, ललित राजवंशीले २ र पारस खड्काले १ विकेट लिए । युइर्इका लागि अस्फाक अहम्मदले सर्वाधिक ४२, गुलाम साबेरले ३२, अदनान मुक्तीले ३७, मुहम्मद उस्मानले २६, साइमन अनवरले १६ रन बनाए । युएर्इका ६ जना ब्याट्सम्यानले दाेहाेराे अंकमा रन जाेडन सकेनन् ।

नामिबियामा भएको विश्व क्रिकेट लिग डिभिजन टूमा बिजेता बनेको युएई र दोश्रो भएको नेपाल विश्वकपको छनौट खेल्न जिम्बाबे पुगेका हुन् । दुई हप्ताको फरकमा नेपालल युएई तेस्रो पटक खेलेका हुन् ।

नामिवयामा भएको डिभिजन २ मा नेपालले समूह चरणमा युएईलाई ६ विकेटले हराए पनि फाइनलमा ७ रनले हारेको थियो । जिम्बाबेमा २० गतेदेखि हुने विश्वकप छनोट प्रतियोगितामा नेपाल सहित १० देश सहभागी छन । जसमा उत्कृष्ट हुने २ टिमले विश्वकप खेल्न पाउने छन् ।

नेपाल अफगानिस्तान, जिम्बाबे, हङकङ र स्कटल्याण्डसँगै समुह बीमा छ । नेपालले पहिलो खेल २० गते घरेलु टोली जिम्बावेसँग, दोस्रो खेल २४ गते स्कटल्याण्डसँग, तेस्रो खेल २६ गते अफगानिस्तानसँग र लिग चरणको अन्तिम खेल २८ गते हङकङसँग खेल्नेछ ।

The post पहिलो अभ्यास खेलमा नेपाल ५ विकेटले विजयी appeared first on Taja nepali news.

काठमाडौं, फागुन १५ – विश्वकप क्रिकेटको छनोट खेल्न जिम्बाबे पुगेका नेपाल र संयुक्त अरब इमिरेट्सले पहिलो खेल खेलिरहेका छन । पहिलो अभ्यास खेलमा युएईले टस जितेर ब्याटिङ गरिरहेको छ । युएइ ताजा अवस्थामा ६ विकेटको क्षतिमा २७ ओभरको समाप्तिमा १६९ रन बनाएर खेलिरहेको छ ।

नेपालका लागि पहिलो विकेट खेलको दोस्रो ओभरको पहिलो बलमा लतित भण्डारीले लिए । ललितको बलमा नेपालका ज्ञानेन्द्र मल्लले क्याच गरेका हुन् । युएईका रोहन मुस्ताफा ४ रन बनाएर आउट भए ।

युइईको दोस्रो विकेट कप्तान पारस खडकाले लिएका हुन् । युएईका गुलाम सहावरलाई खडकाले ३२ रनमा आउट गरेका हुन् ।
युएईको तेस्रो विकेट नेपालका ललित राजवंशीले लिएका छन । १५ औं ओभरको पहिलो बलमा राजवंशिले युएईका रमीज साहजनज शून्य रनमा नै आउट गरेका हुन् ।

युएईको चौथो विकेट पनि राजवंशिले नै लिए । ४२ रन बनाएर खेलेका युएईका अस्पाक अहमदलाई राजवंशिको बलमा दिपेन्द्रसिंह ऐरीले क्याच आउट गराएका हुन् ।
युएईको पाँचौ विकेट नेपालका ललित भण्डारीले लिएका हुन् । युएईको पहिलो विकेट लिएका भण्डारीले पाँचौ विकेट युएईका साइमन अनवरलाई १६ रनमा आउट गराएका हुन् ।

युएईको छैटौं विकेट पनि नेपालका ललित भण्डारीले नै लिए । युएईका माहम्मद उस्मानलाई २६ रनमा आउट गराएका हुन् । खेल नेपाली समय अनुसार दिउँसो सवा १ बजे नै सुरु हुने भनिए पनि पानी परेका कारण खेल निर्धारित समयभन्दा ढिलो सुरु भएको हो ।

नामिबियामा भएको विश्व क्रिकेट लिग डिभिजन टूमा विजेता बनेको युएई र दोश्रो भएको नेपाल विश्वकपको छनौट खेल्न जिम्बावे पुगेका हुन । दुई हप्ताको फरकमा नेपालल युएई तेस्रो पटक खेल्न लागेका हुन । नामिबियामा भएको डिभिजन २ मा नेपालले समूह चरणमा युएईलाई ६ विकेटले हराए पनि फाइनलमा ७ रनले हारेको थियो ।

जिम्बावेमा २० गतेदेखि हुने विश्वकप छनोट प्रतियोगितामा नेपालसहित १० देश सहभागी छन । जसमा उत्कृष्ट हुने २ टिमले विश्वकप खेल्न पाउनेछन । नेपाल अफगानिस्तान, जिम्बाबे, हङकङ र स्कटल्याण्डसँगै समूह बीमा छ । नेपालले पहिलो खेल २० गते घरेलु टोली जिम्बावेसँग, दोस्रो खेल २४ गते स्कटल्याण्डसँग, तेस्रो खेल २६ गते अफगानिस्तानसँग र लिग चरणको अन्तिम खेल २८ गते हङकङसँग खेल्नेछ ।

The post ललित भण्डारीले तीन विकेट लिए, युएईको छैटौं विकेट गयो appeared first on Taja nepali news.

काठमाडौँ — सानिमा बैंकले क्रिकेटर सन्दीप लामिछानेसँगको प्रायोजन सम्झौतामा दोब्बर वृद्धि गरेको छ । इन्डियन प्रिमियर लिग (आईपीएल) दिल्ली डेयरडेभिल्समा परेपछि र नेपाल विश्वकप छनोट क्रिकेटमा पुगेपछि सन्दीपको व्यावसायिक महत्त्व पनि चुलिएको हो ।

सन् २०१६ को फेब्रुअरीमा बंगलादेशमा सम्पन्न आईसीसी यू–१९ विश्वकप खेलेर आएपछि क्रिकेट खेलाडी संघ नेपाल (सीप्यान) मार्फत सन्दीपसँग सानिमा बैंकले प्रतिमहिना २० हजार दिने गरी सम्झौता गरेको थियो । त्यसलाई दोब्बर बनाइएको सानिमाले जनाएको हो । दुईवर्षे नयाँ सम्झौतापछि सन्दीपले त्यसवापत् ९ लाख ६० हजार पाउने छन् ।
यू–१९ विश्वकपमा सन्दीपले आयरल्यान्डसँग ह्याट्रिक गर्दै कुल १४ विकेट लिएका थिए।

The post क्रिकेटर सन्दीप लामिछाने (आईपीएल) दिल्ली डेयरडेभिल्समा परेपछि, सम्झौता गरे भन्दा दोब्बर पैसा पाउने appeared first on Taja nepali news.

फागुन १० – विकेटकिपर ब्याट्सम्यान हेनरिक क्लासेनको ६९ रन (३ चौका, ७ छक्का) तथा कप्तान जेपी डुमिनीको नटआउट ६४ रन (४ चौका, ३ छक्का)को मद्धतले दक्षिण अफ्रिकाले दोस्रो टी–ट्वेन्टी श्रृङ्खलामा भारतविरुद्ध ६ विकेटको जित हात पारेको छ ।

टस हारेर पहिले ब्याटिङको निम्तो पाएको भारतीय टिमले मनिष पान्डेको नटआउट ७९ र एमएस धोनीको नटआउट ५२ रनको योगदानसहित निर्धारित २० ओभरमा ४ विकेट गुमाउँदै १८८ रनको सम्मानजनक स्कोर बनाएको थियो ।

१८९ रनको विजयी लक्ष्यसहित जवाफी ब्याटिङमा उत्रिएको दक्षिण अफ्रिकाले १८ ओभर ४ बलमै ४ विकेट गुमाउँदै जित हात पार्यो । जसप्रीत बुमराहको अनुपस्थितिमा अन्य भारतीय बलरहरु जम्न सकेनन् । यो जितसँगै तीन खेलको टी–ट्वेन्टी श्रृङ्खलामा १–१ को बराबरी भएको छ । तेस्रो तथा निर्णायक खेल २४ फेब्रुअरीमा हुनेछ ।
दक्षिण अफ्रिकी पारी : क्लासेनको विस्फोटक ब्याटिङ

भारतका लागि पहिलो ओभर भुवनेश्वर कुमार र दोस्रो ओभर शारदुल ठाकुरले बलिङ गरे । तेस्रा्े ओभरमा भुवनेश्वर कुमारको बलमा हेन्ड्रिक्सले दुई चौका प्रहार गरे । यो ओभरमा मात्रै दक्षिण अफ्रिकाले ११ रन बटुल्यो । चौथो ओभरमा भारतका लागि जयदेव उनादकटले पहिलो सफलता दिलाए । उनले जोन जोन स्मट्सलाई दुई रनमै पेभेलियन फर्काइदिए । उनादकटले स्मट्सलाई सुरेश रैनाको हातबाट क्याच गराए ।

त्यस्तै रीजा हेन्ड्रिक्स २६ रन बनाएको अवस्थामा शारदुल ठाकुरको बलिङमा हार्दिक पान्ड्याको हातबाट क्याचआउट भए । पाँच ओभरको समाप्तिमा दक्षिण अफ्रिकाले दुई विकेटको क्षतिमा ३८ रन बनाएको थियो । छैटौँ ओभरमा हेनरिक क्लासेनले उनादकटको बलमा दुई छक्का प्रहार गरे । क्लासेनको विस्फोटक ब्याटिङका कारण दक्षिण अफ्रिकाको स्कोर ह्वात्तै बढ्यो । १० ओभरको समाप्तिमा दक्षिण अफ्रिकाले दुई विकेट गुमाउँदै ८४ रन बनाएको थियो ।

एक दिवसीय श्रृङ्खलामा उत्कृष्ट प्रदर्शन गरेका भारतीय बलर युजवेन्द्र चहल आजको खेलमा खासै जम्न सकेनन् । उनलाई दक्षिण अफ्रिकी ब्याट्सम्यान हेनरिक क्लासेनले चुट्नुसम्म चुटे । ११ औँ ओभरमा चहलको बलमा क्लासेनले दुई छक्का प्रहार गरे । यस ओभरमा मात्रै दक्षिण अफ्रिकाले १६ रन बटुल्यो ।

दक्षिण अफ्रिकी पारीको १३ औँ तथा चहलको बलिङको तेस्रो ओभरको तीन बलमा दुई छक्का र एक चौका प्रहार भयो । यो ओभरमा डुमिनीले समेत छक्का प्रहार गरे । २३ रन दिएर यस ओभरमा चहलले आफूलाई महंगो सावित गरे । क्लासेनको विस्फोटक ब्याटिङले दक्षिण अफ्रिका सहज जितको बाटोतर्फ लम्किरहेको थियो ।

भारतीय बलर एकपछि अर्को दवावमा परिरहेको अवस्थामा उनादकटले क्लासेनलाई विकेटकिपर धोनीबाट क्याचआउट गराउँदै भारतका लागि महत्वपूर्ण सफलता दिलाए । क्लासेनले मात्रै ३० बलमा सात छक्का र तीन चौकासहित ६९ रन बनाए । हार्दिक पान्ड्याले डेभिड मिलरलाई ५ रनको व्यक्तिगत स्कोरमै पेभेलियन फर्काउँदै भारतलाई चौथो सफलता दिलाए ।

१५ ओभरको समाप्तिमा दक्षिण अफ्रिकाले ४ विकेटको क्षतिमा १४२ रन बनाएको थियो । चहलका लागि आजको बलिङ बिर्सनलायक रह्यो । उनले आफ्नो चार ओभरको बलिङमा ६४ रन खर्चिए । यो टी–ट्वेन्टी खेलमा भारतका लागि सबैभन्दा महंगो बलिङ हो । डुमिनीले ३८ बलमा चार चौका र एक छक्काको मद्धतले आफ्नो अर्धशतक पूरा गरे ।

यसभन्दा पहिले क्लासेनले मात्र २२ बलमा दुई चौका र पाँच छक्कासहित अर्धशतक बनाएका थिए । कप्तान डुमिनी ६४ तथा बेशरदीन १६ रन बनाएर नटआउट रहे । डुमिनीले उनादकटको बलमा लगातार दुई छक्का प्रहार गर्द दक्षिण अफ्रिकालाई सहज जित दिलाए ।

विकेट पतन : २४–१ (स्मट्स, ३.५), ३८–२ (हेन्ड्रिक्स, ४.६), १३१–३ (क्लासेन, १३.१), १४१–४ (मिलर, १४.५)
भारतीय पारी : मनिष र धोनीको अर्धशतक

टस जितेर पहिले पाहुन टिम भारतलाई दक्षिण अफ्रिकाले ब्याटिङको निम्तो दिएको थियो । भारतका लागि शिखर धवन र रोहित शर्मा ओपनिङ ब्याट्सम्यानका रुपमा आए । पहिलो ओभर क्रिस मोरिसले मेडन राखे । दोस्रो ओभरको पहिलो बलमा रोहित शर्मा जुनियर डालाको बलमा शून्यमै एलबीडब्ल्यू भए ।

त्यस्तै रोहितको स्थानमा ब्याटिङ गर्न आएका सुरेश रैनाले यो ओभरमा एक चौकासहित ८ रन बनाए । भारतीय पारीको तेस्रो ओभर भने भारतका लागि सुखद रह्यो । पहिलो ओभर मेडन राखेका क्रिसको बलमा धवनले २ छक्का र दुई चौका प्रहार गरे । यस ओभरबाट भारतले २० रन बटुल्न सफल रह्यो । पाँचौ ओभरमा १४ बलमा तीन चौका र दुई छक्कासहित २४ रन बनाएर खेलिरहेका शिखर धवनलाई जेपी डुमिनीले बेहरदीनबाट क्याचआउट गराए ।

पाँच ओभरको समाप्तिमा भारतले दुई विकेटको क्षतिमा ४५ रन बनाएको थियो । छैटौँ ओभरमा भारती कप्तान विराट कोहली एक रनमै आउट भए । उनलाई जुनियर डालालृ विकेटकीपर क्लासेनबाट क्याचआउट गराए । उनको यो ओभर विकेटसहित मेडन रह्यो ।

१०औँ ओभरमा मनिष पान्डेले शम्शीको बलिङमा एक चौका र दुई छक्का प्रहार गर्दै भारतको स्कोरलाई केही गति प्रदान गरे । यस ओभरमा मात्रै १९ रन बन्यो । १० ओभरको समाप्तिमा भारतले तीन विकेटको क्षतिमा ८५ रन बनाएको थियो ।

११औँ ओभरमा सुरेश रैनालाई फेलुकवायोले एलबीडब्ल्यू आउट गराए । रैनाले २४ बलमा पाँच चौकासहित ३० रन जोडे । मनिष पान्डे विस्फोटक ब्याटिङ गर्दै अर्धशतको नजिक पुगेका थिए । १३ औँ ओभरमा उनले जुनियर डालाको बलमा दुई चौका प्रहार गरे । भारतले १०० रन पार गर्यो यसै ओभरमा ।

मनिषले १५औँ ओभरमा आफ्नो टी–ट्वेन्टी करिअरमा दोस्रो अर्धशतक प्रहार गर्न सफल भए । १५औँ ओभरको समाप्तिमा भारतले ४ विकेटको क्षतिमा १२४ रन बनाएको थियो । अर्धशतक बनाएपछिको ओभरमा मनिषले मोरिसको बलमा छक्का हाने । धोनीले पनि २७ बलमा चार चौका र तीन छक्काको मद्धतले अर्धशतक पूरा गरे ।

निर्धारित २० ओभरमा ४ विकेट गुमाउँदै भारतले १८८ रन बनायो । भारतका लागि मनिष ७९ रन र धोनी ५२ रन बनाउँदै नटआउट रहे । दक्षिण अफ्रिकाका लागि जुनियर डालाले दुई विकेट लिए । डुमिनी र फुलेकवायोले एक–एक विकेट लिए ।

विकेट पतन : ०–१ (रोहित, १.१), ४४.२ (धवन, ४.२), ४५–३ (कोहली, ५.३), ९०–४ (रैना, १०.४) ujyaaloonline

The post भारतीय बलरलाई दक्षिण अफ्रिकी ब्याट्सम्यानले धुलो चटाए पछी ,,अफ्रिका ६ विकेटले विजयी… appeared first on Taja nepali news.